سندھ طاس کے پانیوں سے میدانِ جنگ تک۔۔۔
برصغیر کی تاریخ گواہ ہے کہ یہاں وفا شعاروں نے اپنی جانیں قربان کر کے وطن کی مٹی کو سنوارا، مگر بدقسمتی سے یہی سرزمین ضمیر فروشوں کی آماجگاہ بھی بنی، جنہوں نے ملت اسلامیہ پر ایسے زخم لگائے جو آج تک نہیں بھر سکے۔
پاکستان کے سابق انڈس واٹر کمشنر، (سید) جماعت علی شاہ، مسلسل اس مؤقف کا دفاع کرتے رہے کہ بھارت ہمارے دریاؤں کا پانی چوری نہیں کر رہا، بلکہ پانی کی کمی موسمیاتی تبدیلیوں کی مرہون منت ہے۔ دوسری جانب سندھ طاس واٹر کونسل کے چیئرمین حافظ ظہور الحسن کا دوٹوک بیان دیتے رہے کہ ہمارے بدعنوان حکمرانوں نے نوکر شاہی کے ساتھ ملی بھگت کر کے پاکستان کے لیے بچا کھچا پانی بھی بھارت کے ہاتھ بیچ دیا۔
یہی وجہ ہے کہ سید جماعت علی شاہ پر الزام ہے کہ انہوں نے بے خوفی سے بھارتی ایجنڈے کی تکمیل کی، اور بدلے میں مال و دولت سمیٹی۔
ان کی آنکھوں پر ڈالروں کی ایسی پٹی بندھی تھی کہ 62 بھارتی ڈیم بھی انہیں نظر نہ آئے، جو پاکستان کے حق پر ڈاکا ڈالنے کے لیے بھارت نے تعمیر کیے گئے۔
آج ارضِ پاکستان پانی کی قلت کے باعث صحرا بنتی جا رہی ہے۔ یہ صورت حال کسی قدرتی حادثے کا نتیجہ نہیں بلکہ قومی غیرت کے سوداگروں کی عاقبت نا اندیشی، غفلت و بے حسی کا شاخسانہ ہے۔
ایوب خان اور جماعت علی شاہ جیسے کرداروں کو انصاف کے کٹہرے میں لا کر نشانِ عبرت بنانا ازحد ضروری تھا، تاکہ آئندہ کوئی قومی مفادات پر سودے بازی کا سوچ بھی نہ سکے۔
رہی بات سندھ طاس معاہدے کی تو جب تک بھارت مقبوضہ کشمیر پر قابض ہے، وہ پاکستان کو ریگستان میں بدلنے کی ہر ممکن کوشش جاری رکھے گا۔ بھارت نے پاکستان کے خلاف ایک بار پھر جنگی ماحول پیدا کر دیا ہے۔ اس موقع پر پاکستان کو بھی جلد یا بدیر "اینٹ کا جواب پتھر سے" دینا ہوگا۔
ہمارے سپہ سالار کی وطن سے وابستگی اور دشمن کو منہ توڑ جواب دینے کی تیاری ایک جرأت مندانہ اقدامات پر مبنی پیغام ہے۔
مگر ہمیں یہ بھی یاد رکھنا چاہیے کہ ایٹمی جنگ صرف پاکستان اور بھارت ہی نہیں، بلکہ پوری دنیا کو اپنی لپیٹ میں لے سکتی ہے۔
یہی وجہ ہے کہ دونوں ممالک خاص طور بھارت ایٹمی جنگ شروع کر کے خود کشی نہیں کرے گا۔۔
ممکنہ جنگ "محدود جھڑپوں" تک ہی محدود رہے گی۔۔
ان جھڑپوں میں اگر افواج پاکستان کسی پراکسی تنظیم کے ذریعے مقبوضہ کشمیر میں داخل ہو کر، کھٹوعہ پل پر بھارت کی سپلائی لائن کاٹ دے تو بھارت گھٹنے ٹیکنے پر مجبور ہو جائے گا۔
مگر اس کے لیے ہمیں اپنی سیاسی اور معاشی کمزوریوں سے باہر نکلنا ہوگا۔
یہ وقت فوری فیصلوں اور قومی ایجنڈے کی ازسرنو ترتیب دینے کا ہے۔
وہ اقدامات جو ستر سالوں سے نہیں کیے گئے، انہیں اب ہنگامی بنیادوں پر از ثر نو مرتب کر کے مکمل کرنا ہوگا۔۔
وگرنہ پہلگام ڈرامے پر"آ بیل مجھے مار " جیسا بے آزادانہ تحقیق کا غیر دانشمندانہ مطالبہ کمزوری کی علامت اور جنرل عاصم منیر کے سٹینڈ کو ثبو تاس کرنے کی کوشش ثابت ہوگا۔۔
جنرل سید عاصم منیر کو نادان دوستوں کی بجائے عقل مند دشمن کی مکاری پر توجہ دینا ہو گی اور
میڈیا پر اداکاروں سے جذباتی تقریریں کروا کر قوم کو بے وقوف بننے سے روک کر پاکستان کو مزید رسوائی سے بچانا ہوگا۔۔
جاوید تنویر
پاکستان ووٹر فرنٹ
وطن عزیز کو واضح اؤر جامع روڈ میپ کے ساتھ اسلام کا عظیم الشان گہوارہ بنانے کے بے لوث جدوجہد
پاکستان ووٹرز فرنٹ کے منشور لائحہ عمل اور قران اور حدیث کی روشنی میں تیار عوامی انتخابی پروگرام کے تفصیلی تعارف کے لئے لاہور پریس کلب میں مورخہ 07 جون 2018 کو ایک پریس کانفرنس منعقد ہوئی جس میں جاوید تنویر پاکستان ووٹرز فرنٹ نے صھافیوں کے جوابات دیتے ہوئے کہا کہ پاکستان کے ووٹرز اب تمام م قومی اسمبلی کے حلقوں میں ووٹروں کے منظم الیکٹورل کالج بنائے جائیں گے جو منتخب ہونے والے قومی اور صوبائی ارکان اسمبلیوں سے انفرادی ،اجتماعی اور قومی مثائل عوای امنگوں کے تحت حل کراسکیں گے۔ اور قومی امور میں براہ راست اپنی مشاورت دے سکیں گے۔
پاکستان ووٹرز فرنٹ پاکستان کے نو کروڑ سترلاکھ ووٹروں سے اپیل کرتا ہے کہ وہ اپنے اپنے قومی اسمبلی کے خلقوں کی سطح پر اپنے علاقوں میں موجود ایماندار، پڑھے لکھے اور باصلاحیت افراد کےکاغذات نامزدگی برائے امیدواران قومی و صوبائی اسمبلی متعلقہ دفتر الیکشن کمیشن میں ۱۱۔جون ۲۱۰۸ تک جمع کر ادیں ۔تا کہ کا غذاتِ نامزدگی کی منظوری حاصل کرنے والے امیدواروں کے متعلق معلومات اکٹھی کر کے ان میں سے بہرتین افراد کو چن کر عوامی انتخابی پروگرام کے تحت آئندہ انتخابات میں کامیاب کروایا جا سکے۔
