PVF Blog

پاکستان ووٹرز فرنٹ کے ممبران اور عوام کے نام پیغام

قوم و جماعت کے نام۔۔ ایک ممبر کی طرف سے پیغامِ بیداری

اللّٰہ تعالیٰ فرماتا ہے

(سورۃ آل عمران، آیت 104)
ترجمہ: "اور تم میں سے ایک ایسی جماعت ضرور ہونی چاہیے جو لوگوں کو بھلائی کی طرف بلائے، نیکی کا حکم دے اور برائی سے روکے۔ یہی لوگ فلاح پانے والے ہیں۔"

یہ آیت صرف ماضی کی امتوں کے لیے نہیں،
یہ آج ہم سب کے لیے نازل ہوئی ہے۔
اور الحمدللہ، پاکستان ووٹرز فرنٹ انہی ہدایتوں کے مطابق وہ جماعت بن چکی ہے
جو صرف اور صرف اللّٰہ کی رضا، عدلِ الٰہی کے قیام، اور نظامِ مصطفیٰ ﷺ کے نفاذ کے لیے جدوجہد کر رہی ہے۔

پاکستان ووٹرز فرنٹ کی طرف سے
نظامِ مصطفیٰ کا متبادل عملی ماڈل

دنیا بھر کی سیاسی و مذہبی جماعتیں اقتدار، شہرت، اور مفاد کے لیے بنی ہیں،
مگر پاکستان ووٹرز فرنٹ واحد جماعت ہے جس نے پندرہ برس کی مسلسل جدوجہد کے بعد
ایک ایسا جامع، واضح اور مکمل متبادل نظام تیار کیا ہے
جو قرآن و سنت کی روشنی میں قائم ہو کر موجودہ ظالمانہ و غیر اسلامی نظام کا پائیدار متبادل بن سکتا ہے۔

یہ نظام کسی نعرے یا تصور کا نام نہیں،
یہ ایک مکمل ڈیجیٹل، انتخابی، اور انتظامی ماڈل ہے
جس میں:

1. الیکٹرانک عوامی انتخابی نظام (EVM)

ووٹر براہِ راست کردار، دیانت اور خدمت کی بنیاد پر اپنے نمائندے کا انتخاب کرے گا۔

نتائج شفاف، غیر جانب دار، اور مکمل محفوظ ہوں گے۔

کوئی جاگیردار، سرمایہ دار یا سیاسی مافیا عوام کے فیصلے پر اثر انداز نہیں ہو سکے گا۔

2. عوامی قیادت کا شفاف انتخابی طریقہ

ہر حلقے سے ایسی قیادت سامنے آئے گی جو اللّٰہ سے ڈرتی ہو،
قوم کے خادم کی طرح قیادت کرتی ہو،
اور مفاد پرستی سے پاک ہو۔

3. نظامِ مصطفیٰ ﷺ کے نفاذ کا عملی خاکہ

سود سے پاک معیشت

عدلِ اجتماعی

بیت المال و زکوٰۃ کا فعال نظام

قومی خود انحصاری اور وقار

یہ سب کچھ تیار ہے، صرف قوم کے اعتماد،
اور ممبران کی مدد سے یہ نظام ملک کے ہر گھر تک پہنچایا جا سکتا ہے۔

پاکستان ووٹرز فرنٹ کا بانی اس وقت بھی ایمان اور امانت کا ایسا پیکر ہے
جو اس تحریک کے ہر رکن کے لیے مثال بن جانا چاہیے۔

جن ممبران نے سالوں پہلے اپنی ممبرشپ فیس جمع کرائی،
ان کے نوٹ آج بھی بانی کے پاس بطور امانت محفوظ ہیں۔
ان پر وقت کے ساتھ لگنے والا زنگ آلود سٹیپل پن
اس گواہی کی طرح چمک رہا ہے کہ یہ رقم آج تک ایک پائی بھی ذاتی ضرورت میں استعمال نہیں ہوئی۔

بانی کے نزدیک اس رقم سے پانی کی ایک بوند بھی
اپنے حلق سے نیچے اتارنا حرام ہے۔۔

کیونکہ یہ امانت ہے، اور امانت اللّٰہ کی امانت ہوتی ہے۔

بانی کے ہاتھوں میں ان گنت مشکلات، آزمائشیں اور محرومیاں آئیں،
مگر اس نے صبر، استقامت اور یقین کے ساتھ "کچھوے کی چال" چلتے ہوئے اس مشن کو منزل کی دہلیز تک پہنچا دیا۔

پاکستان ووٹرز فرنٹ کا منشور واضح ہے:
یہ تحریک کسی غیر ممبر  سے بھیک نہیں مانگے گی۔
یہ اللّٰہ پر بھروسہ کرنے والی جماعت ہے۔
یہ اپنے ممبران کو بھی مانگنے کی نہیں، دینے کی تربیت دیتی ہے۔

بانی نے اپنی زندگی کی خاصی کمائی، وقت، قلم، اور صلاحیت سب کچھ
اللّٰہ کے دین کے لیے وقف کر دیا ہوا ہے۔

یہاں تک کہ Spark News چینل کی سو فیصد آمدنی بھی
اللّٰہ کے دین کے فروغ کے لیے مختص کر دی گئی ہے۔
ایسی قربانی اور اخلاص کی مثال آج کسی سیاسی یا مذہبی تنظیم میں نہیں ملتی۔

اب فیصلہ ممبران کے ہاتھ میں ہے

اے پاکستان ووٹرز فرنٹ کے ساتھیو!
تم اس عظیم مشن کا حصہ ہو جس کے بارے میں قرآن نے فرمایا ہے

یعنی "یہی لوگ کامیاب ہوں گے۔

"

تم خوش قسمت ہو کہ تمہیں اس جماعت میں شامل ہونے کا موقع ملا..

ایک ایسی جماعت جو دنیا اور آخرت دونوں میں کامیابی کا راستہ دکھا سکتی ہے۔

لیکن یاد رکھو
جب تک تم یقین کے ساتھ نہیں اٹھو گے،
یہ نظام بلکل سامنے نظر آنے والی اپنی منزل تک نہیں پہنچے گا۔

یہ وقت ہے بیداری کا،
یقین کے ساتھ قدم بڑھانے کا،
اور اپنی قربانی کو اللّٰہ کے دین کے لیے وقف کرنے کا۔

تمہارے ہاتھوں میں وہ طاقت ہے جو قوم کی تقدیر بدل سکتی ہے،
اور تمہارا اخلاص اس امت کے لیے روشنی کا مینار بن سکتا ہے۔

ہم سب کی کامیابی اسی میں ہے کہ ہم اس حقیقت کو پہچان لیں۔۔

جتنا جلدی یقین کر لیں، اتنا ہی ہمارے حق میں بہتر ہے۔

"اللّٰه کی راہ میں وہی کامیاب ہے جو نیکی پھیلائے، بدی روکے، اور صبر کے ساتھ ڈٹا رہے۔"

یقین رکھیں کہ یہ عین ممکن ہو سکتا  ہے کہ درج بالا حصوصیات کی بدولت یہ ہی وہ جماعت ہو جس کے لیے قرآن کی سورۃ آل عمران کی آیت 104 حکم دے رہی ہے۔۔

سلطان بشیر الدین
اسلام آباد